Adhoore Bhi Tum, Poore Bhi…

Duniya se kaise chupayen

Aur tum se kya batlayen

Is mohabbat ki kahani ka

Aagaaz bhi tum, anjaam bhi…

Intazaar mein kaate hum har raat

Ki keh do tum humse who dil ki baat

Is dard ke safar ka

Raasta bhi tum, manzil bhi…

Naadaaniyon mein dil mile

Phir hum khud se karne lage gile

Is pyaar ki kashti ka

Sagar bhi tum, saahil bhi…

Kya tumhe humse hai koi shikva?

Kar bithe kya hum tumhe rusva?

Ki hum mein base ho

Adhoore bhi tum, poore bhi…