HAAL - E – DIL

Kaisa mod hai yeh zindagi ka

Zara dekho to iski nazakat;

Laga do laakh pehre

Par na kar paao is dil ki hifazat…

Kabhi jhoom uthe khushi mein yeh dil

Aur kabhi reh jaaye tanha;

Kya yehi hai meri zindagi

Ya hai yeh bhi ek guzarta lamha…

Khamoshi bhi gungunane lage

Who sargam jo dil ko choo jaye;

Mann mugdha ho jaaye aise

Ki apni hi dhun mein kho jaaye…

Jee na lage kahin

Bas usi ki yaad sataye;

Kya kahe hum, ya bus sune mann ki

Koi hume bhi to bataye…

Kisse kare hum shikva

Aur kise kya samjhaye;

Hai, zindagi yuhin khubsurat ho

Aur waqt yahin tham jaaye..