Khaamoshi
Kal, teri khaamoshi mein, chupe ishq ke raaz the
Kal, meri khaamoshi mein, umeedon ke alfaaz the
Kal, teri khaamoshi mein, mohabbat ka jaal tha
Kal, meri khaamoshi mein, ik ankahaa sawaal tha
Kal, teri khaamoshi mein, khushiyon ki leher thi
Kal, meri khaamoshi mein, ek khoobsoorat, nayi seher thi
Aaj, teri khaamoshi mein, na koi pyaar, na koi jazbaat hai
Aaj, meri khaamoshi mein, ik tanha, kaali raat hai
Aaj, teri khaamoshi se, meri zindagi dard ka shikaar hai
Aaj, meri khaamoshi se, goonjti toote bharose ki pukaar hai
Aaj, teri khaamoshi se, meri duniya barbaad hai
Aaj, meri khaamoshi se, teri duniya aabaad hai.
Comments
"Aaj, teri khaamoshi se, meri duniya barbaad hai
Aaj, meri khaamoshi se, teri duniya aabaad hai."
really liked these lines..
ek shikayat bhi hai,pyaar bhi aur ek feminist ki jhalak bhi hai..
khamoshi se aapna pehlu rakhna ek adda hoti hai..jo yahan dikhaayi di hai
1 question though...
"Kal, teri khaamoshi mein, mohabbat ka jaal tha
Kal, meri khaamoshi mein, ik ankahaa sawaal tha."
inlino mein ek insecurity si lagti hai which doest seem to compliment the mood of the poem so far..
plz clarify if m wrong...